स्त्रीशक्तीसाठी आरोग्य उपक्रम : KARUNA GLOBAL FOUNDATION व शालिनीताई मेघे हॉस्पिटलचा पुढाकार !

Women’s Day निमित्त KARUNA GLOBAL FOUNDATION आणि शालिनीताई मेघे हॉस्पिटलतर्फे विशेष आरोग्य शिबिराचे आयोजन

हिंगणा, ११ मार्च २०२५ – महिलांच्या आरोग्यासाठी विशेष भर देत करुणा ग्लोबल फाउंडेशन, नागपूर आणि शालिनीताई मेघे हॉस्पिटल व रिसर्च सेंटर यांच्या संयुक्त विद्यमाने महिला दिनाचे औचित्य साधून सरलादेवी विद्यालय, वाघदरा, हिंगणा येथे मोफत आरोग्य शिबिराचे आयोजन करण्यात आले. या शिबिराला परिसरातील महिलांचा मोठा प्रतिसाद लाभला आणि तब्बल १४५ महिलांनी या संधीचा लाभ घेतला.

Women’s Day निमित्त KARUNA GLOBAL FOUNDATION चा नवीन उपक्रम !

आरोग्य हीच खरी संपत्ती या ध्येयाने प्रेरित होऊन आयोजित या शिबिराचा उद्देश महिलांना त्यांच्या आरोग्याविषयी अधिक जागरूक करणे, तज्ञ डॉक्टरांकडून आरोग्य तपासणी करून घेण्याची संधी उपलब्ध करून देणे आणि आरोग्यविषयक मार्गदर्शन देणे हा होता. महिलांचे आरोग्य चांगले असेल तर संपूर्ण कुटुंबाच्या आरोग्यावर त्याचा सकारात्मक परिणाम होतो, यावर भर देत या शिबिरात स्त्री-आरोग्य तज्ज्ञ, पोषणतज्ज्ञ आणि वैद्यकीय तज्ञांकडून महिलांना योग्य सल्ला आणि मार्गदर्शन देण्यात आले.

Women’s Day निमित्त आरोग्य शिबिराचा उद्घाटन समारंभ आणि प्रमुख पाहुण्यांचे विचार

शिबिराच्या उद्घाटनप्रसंगी प्रमुख पाहुणे म्हणून ग्रामपंचायत इसासनीचे सरपंच श्री. अरविंद ढोणे उपस्थित होते. त्यांनी महिलांच्या आरोग्याविषयी आपले विचार व्यक्त करताना सांगितले की, “समाजाच्या उन्नतीसाठी महिलांचे आरोग्य सशक्त असणे अत्यावश्यक आहे. महिला आरोग्याच्या बाबतीत अनेकदा दुर्लक्ष करतात, म्हणून अशा शिबिरांच्या माध्यमातून त्यांना मोफत आरोग्य तपासणी आणि आवश्यक मार्गदर्शन मिळणे अत्यंत गरजेचे आहे.”

शालिनीताई मेघे हॉस्पिटलच्या प्रसिद्ध स्त्री-रोग तज्ज्ञ डॉ. शेफाली यांनी महिलांना त्यांच्या आरोग्याविषयी मार्गदर्शन केले. त्यांनी महिलांच्या जीवनशैली, पोषण आणि आरोग्य सवयी यावर भर देत सांगितले की, “स्त्री स्वतःच्या आरोग्याकडे दुर्लक्ष करू लागली तर संपूर्ण कुटुंबावर त्याचा परिणाम होतो. योग्य आहार, नियमित आरोग्य तपासणी, मानसिक आरोग्याची काळजी आणि शरीरसंपत्ती यावर लक्ष केंद्रित केल्यास महिलांचे संपूर्ण आरोग्य सुधारू शकते.”

त्यांनी विशेषतः महिलांमध्ये सामान्यतः आढळणाऱ्या आजारांबाबत माहिती दिली, जसे की –

लोह आणि कॅल्शियमची कमतरता, संधिवात आणि सांधेदुखी, मधुमेह आणि रक्तदाबाचे वाढते प्रमाण, स्त्री-रोग व गर्भाशयाच्या समस्या, मानसिक ताण-तणाव आणि त्यावर उपाय, शिबिरात झालेल्या आरोग्य तपासण्या आणि वैद्यकीय सेवा, या आरोग्य शिबिरात महिलांसाठी विविध मोफत आरोग्य तपासण्या करण्यात आल्या. त्यामध्ये – रक्तदाब तपासणी, मधुमेह तपासणी, रक्तातील हिमोग्लोबिन चाचणी, हाडांच्या मजबुतीसाठी आवश्यक कॅल्शियम तपासणी, स्त्री-रोग आणि इतर शारीरिक आजारांवरील सल्ला, मानसिक आरोग्य आणि आहार यावर तज्ज्ञांकडून मार्गदर्शन लाभले तसेच या तपासण्यांमधून महिलांच्या आरोग्यविषयी महत्त्वपूर्ण निरीक्षणे आढळून आली. अनेक महिलांमध्ये हिमोग्लोबिनची कमतरता दिसून आली, तर काही महिलांमध्ये उच्च रक्तदाब आणि मधुमेहाचे प्राथमिक लक्षणे आढळली. डॉक्टरांनी यावर त्वरित सल्ला देत योग्य आहार आणि औषधोपचार याविषयी माहिती दिली.

Women’s Day निमित्त कार्यक्रमाचे आयोजन आणि प्रमुख मान्यवरांची उपस्थिती

सदर आरोग्य शिबिराचे आयोजन करुणा ग्लोबल फाउंडेशनच्या सचिव सौ. आभा वाघमारे यांच्या मार्गदर्शनाखाली करण्यात आले. कार्यक्रमात उपस्थित असलेल्या प्रमुख मान्यवरांमध्ये –शालिनीताई मेघे, हॉस्पिटलच्या वैद्यकीय चमू सरलादेवी विद्यालयाच्या संचालिका श्रीमती. पुरी मॅडम, मुख्याध्यापिका श्रीमती. परसे, श्री. जाधव, करुणा ग्लोबल फाउंडेशनचे अध्यक्ष वैशाली बोरकर, उपाध्यक्ष उत्तम नारनवरे, माधुरी वाघमारे, सीमा धारगावे, श्रेयश वाघमारे, सपना नारनवरे, ऋषिकेश डोळे, सचिन वासनिक,

कार्यक्रमाच्या यशस्वीतेसाठी विशेष योगदान !

कार्यक्रमाच्या यशस्वी आयोजनात अनेक स्वयंसेवकांनी महत्त्वाची भूमिका बजावली. कार्यक्रमाचे संचालन रिद्धी खोटेले यांनी केले, तर आभार प्रदर्शन समन्वयक देवानंद डोंगरे यांनी व्यक्त केले. महिला आरोग्याबद्दल समाजात जागरूकता निर्माण करण्याचा प्रयत्न या माध्यमातुन करण्यात आला.

महिला दिनानिमित्त आयोजित या विशेष शिबिराने परिसरातील महिलांना आरोग्य तपासणी आणि योग्य सल्ला घेण्याची सुवर्णसंधी दिली. अनेकदा घरकाम, कुटुंबाची जबाबदारी आणि इतर गोष्टींमध्ये व्यग्र असलेल्या महिलांना स्वतःच्या आरोग्याकडे पाहण्यास पुरेसा वेळ मिळत नाही. या शिबिराच्या माध्यमातून त्यांना मोफत वैद्यकीय सेवा आणि आरोग्य तपासणीची संधी मिळाली.

महिला आरोग्याबद्दल समाजात अधिक जागरूकता निर्माण करण्याच्या उद्देशाने अशा प्रकारच्या शिबिरांचे आयोजन भविष्यात अधिक मोठ्या प्रमाणावर करण्यात यावे, अशी अपेक्षा उपस्थित मान्यवरांनी व्यक्त केली.

शिबिराच्या यशस्वीतेबद्दल आयोजकांचे मनःपूर्वक आभार

या शिबिराच्या यशस्वीतेसाठी करुणा ग्लोबल फाउंडेशन आणि शालिनीताई मेघे हॉस्पिटलच्या संपूर्ण वैद्यकीय चमूने अथक परिश्रम घेतले. उपस्थित महिलांनी या संधीचा लाभ घेतल्याबद्दल आयोजकांनी त्यांचे आभार मानले आणि भविष्यात अधिक व्यापक प्रमाणात अशा शिबिरांचे आयोजन करण्याचा निर्धार व्यक्त केला.

महिला दिनाचे औचित्य साधून आयोजित हे आरोग्य शिबिर म्हणजे महिलांच्या आरोग्यासाठी एक महत्त्वपूर्ण पाऊल होते, जे महिलांच्या आरोग्यविषयी जनजागृती करण्याच्या दिशेने एक सकारात्मक प्रयत्न ठरला.

आमच्या सर्व पेजेस ला नक्की फोलो करा….

YouTube	Subscribe Now
फेसबुक ग्रुप	फेसबुक ग्रुप
व्हाट्सएप ग्रुप	व्हाट्सएप ग्रुप
टेलिग्राम	जॉईन करा
Share Chat	जॉईन करा

जर तुम्ही अशी नवीन माहिती शोधत असाल तर आमच्या वेबसाइट https://deshvarta.in/  वरून दररोज अपडेट रहा. यासाठी आत्ताच आमच्या सोशल मीडिया पेजेसमध्ये सहभागी व्हा.