MSRTC महिला व ज्येष्ठ नागरिकांसाठी एसटी प्रवास सवलतीत बदल; जाणून घ्या नवीन नियम

MSRTC चे नवीन नियम: महिलांसाठी ओळखपत्र अनिवार्य, ज्येष्ठांसाठी मोफत व अर्ध्या तिकीटाची सुविधा

महाराष्ट्र राज्य परिवहन मंडळाने (MSRTC) महिलांबाबत आणि ज्येष्ठ नागरिकांसाठी प्रवासात दिल्या जाणाऱ्या सवलतींच्या नियमांमध्ये मोठ्या प्रमाणात बदल केला आहे. आपल्याला माहिती आहे की यापूर्वी महिलांना आणि ज्येष्ठ नगरिकाना कोणत्याही अतिरिक्त प्रक्रियेशिवाय सवलत मिळत होती, मात्र आता त्यासाठी काही नवीन अटी लागू करण्यात आल्या आहेत. राज्य शासनाच्या या निर्णयामुळे सवलतींचा गैरवापर टाळून योजना अधिक पारदर्शक व प्रभावी होण्याची अपेक्षा व्यक्त केली जात आहे.

MSRTC नियम आता महिलांसाठी 50% सवलत, पण ओळखपत्र अनिवार्य

मार्च 2023 मध्ये जाहीर केलेल्या योजनेनुसार महिलांना एसटीच्या सर्व प्रकारच्या बसेसमध्ये (साधी, मिनी, निमआराम, शिवशाही व शिवशाही स्लीपर) 50% तिकीट सवलत दिली जात होती. या योजनेचा मोठ्या प्रमाणात महिला प्रवाशांनी लाभ घेतला. मात्र, आता ही सवलत घेण्यासाठी महिलांकडे एसटी महामंडळाने जारी केलेले विशेष ओळखपत्र असणे बंधनकारक करण्यात आले आहे.

जर आता महिला प्रवाशाकडे हे ओळखपत्र नसेल तर तिला पूर्ण तिकीट भरावे लागेल. याशिवाय आता काही ठराविक मार्गांवर, जसे पनवेल ते ठाणे, या सवलतीचा लाभ मिळणार नाही. तसेच राज्याबाहेर प्रवास केल्यास सवलत फक्त महाराष्ट्राच्या हद्दीतच लागू राहील, त्यानंतर प्रवाशांना पूर्ण तिकीट द्यावे लागेल.

MSRTC ची ज्येष्ठ नागरिकांसाठी दोन टप्प्यांची सवलत योजना

ज्येष्ठ नागरिकांसाठीही एसटी महामंडळाने महत्त्वपूर्ण निर्णय घेतला आहे.

65 ते 75 वयोगटातील पुरुष आणि महिला नागरिकांना एसटी प्रवासावर 50% सवलत मिळणार आहे.

75 वर्षांवरील नागरिकांना मात्र कोणतेही तिकीट न भरता मोफत प्रवास करता येईल.

ही सुविधा ज्येष्ठ नागरिकांना आर्थिकदृष्ट्या मोठा दिलासा देणारी ठरणार असल्याचे बोलले जात आहे. प्रवास अधिक सोपा आणि सुलभ करण्याच्या दृष्टीने हा निर्णय स्वागतार्ह मानला जात आहे.

MSRTC सवलतीसाठी ओळखपत्र आवश्यक

महिला प्रवासी आणि ज्येष्ठ नागरिक या दोन्ही गटांना त्यांच्या सवलतींचा लाभ घेण्यासाठी एसटी मंडळाकडून मिळणारे ओळखपत्र सोबत ठेवणे अनिवार्य करण्यात आले आहे. अन्यथा, कोणत्याही प्रकारची सवलत न मिळता त्यांना पूर्ण तिकीट खरेदी करावे लागेल. या नियमामुळे ओळखपत्राशिवाय सवलतींचा गैरवापर होणार नाही.

सरकारचा उद्देश : MSRTC पारदर्शक व प्रभावी सेवा

राज्य परिवहन मंडळाने केलेले हे बदल प्रवाशांच्या हितासाठी असल्याचे स्पष्ट केले आहे. महिलांना आणि ज्येष्ठांना दिलेल्या सवलती कायम असल्या तरी त्याचा लाभ घेण्यासाठी काही अटी व शर्ती पूर्ण कराव्या लागतील. यामुळे योजना अधिक शिस्तबद्ध, पारदर्शक व प्रभावी होण्यास मदत होईल.

सरकारकडून राबविलेल्या या उपक्रमामुळे महिला प्रवाशांना सुरक्षित व स्वस्त प्रवासाची सोय तर मिळेलच, त्याचबरोबर ज्येष्ठ नागरिकांना शेवटच्या वयात आर्थिक दिलासा व आरामदायक प्रवासाची सोय उपलब्ध होणार आहे.

आमच्या सर्व पेजेस ला नक्की फोलो करा ….

YouTube	Subscribe Now
फेसबुक ग्रुप	फेसबुक ग्रुप
व्हाट्सएप ग्रुप	व्हाट्सएप ग्रुप
टेलिग्राम	जॉईन करा
Share Chat	जॉईन करा

जर तुम्ही अशी नवीन माहिती शोधत असाल तर आमच्या वेबसाइट https://deshvarta.in/  वरून दररोज अपडेट रहा. यासाठी आत्ताच आमच्या सोशल मीडिया पेजेसमध्ये सहभागी व्हा.